Informasaun hotu ne'ebe mak hakerek ona iha pajina web ne'e ho nia
karakter LIVRE signifika ema se
deit grupu ka individu bele hala'o kopia hodi modifika, aumenta ka hamenus
informasaun hotu iha web ne'e atu nune'e bele dezenvolve liu tan ba oin.
Informasaun hotu ne'ebe hakerek iha web ne'e bazeia ba buat ne'ebe
mak Isakhar aprende no koko rasik iha esperiensia loron-loron nian. Karik iha
buat ruma mak sala kona ba informasaun iha web nee hanesan la kompletu, menus,
falta, no formatura lian Tetun ne'ebe mak la dun los, ida ne'e mak frakeza husi
Isakhar nian. Hanesan avo sira nia liafuan dehan "Beioan, laiha ema ida
mak perfeitu iha mundo ne'e," entaun Isakhar mos realiza katak informasaun
hotu ne'ebe mak hakerek iha web ne'e sei do'ok husi saida mak ema bolu dehan Perfeitu. Tan ne'e Isakhar presiza
nafatin apoio ba imi hotu ( karik iha, laiha mos la buat ida !) ne'ebe mak
agora dadaun hateke maran hela web nee.
Ikus liu la haluha Jhoy Falson hakarak hato'o deit agradese wain
tanba vizita ona web simples ne'e no espera informasaun sira ne'ebe mak hakerek
iha ne'e sei fo vantajen ba ita hotu. Obrigado
0 komentar:
Post a Comment